TAMBAYA TA 098
LIMANCIN MAI NAƘASA
As-Salaamu Alaikum,
Maigida ne yake da naƙasar da take hana shi yin sallah a tsaye, to yaya limancinsa ga iyalinsa da waɗanda ba su kai shi ƙwarewa ko zurfi a cikin karatun Alqur’ani ba?
AMSA A098
Wa Alaikumus Salaam Wa Rahmatul Laah.
Malamai sun sha bamban a kan limancin mara lafiya ko mai wata naƙasa a jikinsa ga masu lafiya, waɗanda ba su da irin wannan naƙasar. Waɗansu sun ce makaruhi ne, waɗansu kuma sun ce ya halatta. As-Shaikh Al-Mujaddid Al-Albaaniy (Rahimahul Laah) ya ce:
Babu yadda za a ce yin hakan makaruhi ne, balle ma har a ce wai sallar ba ta inganta ba saboda hakan, matuƙar dai sharuɗɗan Limancin da aka shimfiɗa sun cika a kansa. Ba mu ganin wani bambanci a tsakanin limancinsa da limancin makaho wanda ba ya iya tsare kansa daga najasa irin yadda mai gani yake iya tsarewa. Haka kuma mai sallah a zaune wanda ya kasa miƙewa tsaye. Domin dai kowannensu ya aikata irin abin da yake iyawa ne da gwargwadon ikonsa kawai, kuma da ma:
Allaah ba ya ɗora wa wani rai komai face dai iyawarsa
Surah Al-Baqarah: 286.
Daga cikin sharuɗɗan da malam yake nufi a nan akwai abin da Annabi (Sallal Laahu Alaihi Wa Alihi Wa Sallam) ya ambata a cikin hadisin Muslim: 673, cewa:
Wanda zai yi wa mutane limanci shi ne wanda ya fi su karatun littafin Allaah; idan kuma sun zama daidai a karatun sai wanda ya fi su sanin Sunnah; idan kuma sun yi daidai a Sunnah sai wanda ya riga su yin hijira; idan kuma sun zama daidai a hijira to sai wanda ya riga su musulunta.
A wata riwaya kuma ya ce: Wanda ya fi su a shekaru, maimakon: Wanda ya riga su musulunta.
Sannan kuma ƙa’idar da malamai suka shimfiɗa a wurin limanci ita ce: Duk wanda sallarsa ta inganta ga kansa in yana shi kaɗai, to limancinsa ta inganta ga waninsa.
Idan limamin ya yi sallarsa a zaune, a nan ma malamai sun sake shan bamban game da mamu masu yin sallah a bayansa. Shin ko su ma a zaunen za su yi ko kuwa a tsaye tun da ba su da uzuri ko larura irin ta sa?
Sahihiyar maganar da muka fi natsuwa da ita ita ce:
Idan tun farko limamin ya fara sallar a zaune ne, to wajibi ne masu sallah a bayansa su ma su yi sallar a zaune tun daga farko har ƙarshe, saboda umurnin Manzon Allaah (Sallal Laahu Alaihi Wa Alihi Wa Sallam) da ya ce:
Ku yi koyi da limamanku: Idan ya yi sallah a tsaye to ku yi sallar a tsaye ku ma; idan kuma ya yi sallah a zaune sai ku ma ku yi sallar a zaune. (Muslim: 417)
Amma idan ya fara sallar a tsaye ne sai kuma daga baya wata larura ta sanya shi ya zauna, to a nan ba sai mamu sun zauna ba. Suna iya cigaba da sallarsu a bayansa a tsaye. Domin a lokacin da Annabi (Sallal Laahu Alaihi Wa Alihi Wa Sallam) ya fito a cikin rashin lafiyarsa na ajali ya tarar Abubakar yana cikin sallah tare da sahabbai, sai ya zauna a gefensa na hagu a matsayin liman kuma Abubakar ya koma mamu tare da sauran sahabbai. A wannan lokacin shi Abubakar da sauran mutane sun cigaba da yin sallah a tsaye ne a bayan Annabi (Sallal Laahu Alaihi Wa Alihi Wa Sallam), wanda yake yin sallah a zaune, kuma bai umurce su da su zauna ba. (Al-Bukhaariy: 198; Muslim: 418).
Sannan kuma malamai sun nuna cewa: Idan limamin ya yi sallarsa da nuni (imaa’i ko ishara) a wurin ruku’u ko sujada saboda larura, to su mamu sai dai su cika su daidai, ba za su yi nuni irin na limamin ba. (Tamaamul Minnah: 1/340).
Allaah ya ƙara mana fahimta a cikin addininmu.
Wal Laahu A’lam.
26/5/2019
3: 34pm.
*Sheikh Muhammad Abdullah Assalafiy*
08164363661
LIMANCIN MAI NAƘASA
As-Salaamu Alaikum,
Maigida ne yake da naƙasar da take hana shi yin sallah a tsaye, to yaya limancinsa ga iyalinsa da waɗanda ba su kai shi ƙwarewa ko zurfi a cikin karatun Alqur’ani ba?
AMSA A098
Wa Alaikumus Salaam Wa Rahmatul Laah.
Malamai sun sha bamban a kan limancin mara lafiya ko mai wata naƙasa a jikinsa ga masu lafiya, waɗanda ba su da irin wannan naƙasar. Waɗansu sun ce makaruhi ne, waɗansu kuma sun ce ya halatta. As-Shaikh Al-Mujaddid Al-Albaaniy (Rahimahul Laah) ya ce:
Babu yadda za a ce yin hakan makaruhi ne, balle ma har a ce wai sallar ba ta inganta ba saboda hakan, matuƙar dai sharuɗɗan Limancin da aka shimfiɗa sun cika a kansa. Ba mu ganin wani bambanci a tsakanin limancinsa da limancin makaho wanda ba ya iya tsare kansa daga najasa irin yadda mai gani yake iya tsarewa. Haka kuma mai sallah a zaune wanda ya kasa miƙewa tsaye. Domin dai kowannensu ya aikata irin abin da yake iyawa ne da gwargwadon ikonsa kawai, kuma da ma:
Allaah ba ya ɗora wa wani rai komai face dai iyawarsa
Surah Al-Baqarah: 286.
Daga cikin sharuɗɗan da malam yake nufi a nan akwai abin da Annabi (Sallal Laahu Alaihi Wa Alihi Wa Sallam) ya ambata a cikin hadisin Muslim: 673, cewa:
Wanda zai yi wa mutane limanci shi ne wanda ya fi su karatun littafin Allaah; idan kuma sun zama daidai a karatun sai wanda ya fi su sanin Sunnah; idan kuma sun yi daidai a Sunnah sai wanda ya riga su yin hijira; idan kuma sun zama daidai a hijira to sai wanda ya riga su musulunta.
A wata riwaya kuma ya ce: Wanda ya fi su a shekaru, maimakon: Wanda ya riga su musulunta.
Sannan kuma ƙa’idar da malamai suka shimfiɗa a wurin limanci ita ce: Duk wanda sallarsa ta inganta ga kansa in yana shi kaɗai, to limancinsa ta inganta ga waninsa.
Idan limamin ya yi sallarsa a zaune, a nan ma malamai sun sake shan bamban game da mamu masu yin sallah a bayansa. Shin ko su ma a zaunen za su yi ko kuwa a tsaye tun da ba su da uzuri ko larura irin ta sa?
Sahihiyar maganar da muka fi natsuwa da ita ita ce:
Idan tun farko limamin ya fara sallar a zaune ne, to wajibi ne masu sallah a bayansa su ma su yi sallar a zaune tun daga farko har ƙarshe, saboda umurnin Manzon Allaah (Sallal Laahu Alaihi Wa Alihi Wa Sallam) da ya ce:
Ku yi koyi da limamanku: Idan ya yi sallah a tsaye to ku yi sallar a tsaye ku ma; idan kuma ya yi sallah a zaune sai ku ma ku yi sallar a zaune. (Muslim: 417)
Amma idan ya fara sallar a tsaye ne sai kuma daga baya wata larura ta sanya shi ya zauna, to a nan ba sai mamu sun zauna ba. Suna iya cigaba da sallarsu a bayansa a tsaye. Domin a lokacin da Annabi (Sallal Laahu Alaihi Wa Alihi Wa Sallam) ya fito a cikin rashin lafiyarsa na ajali ya tarar Abubakar yana cikin sallah tare da sahabbai, sai ya zauna a gefensa na hagu a matsayin liman kuma Abubakar ya koma mamu tare da sauran sahabbai. A wannan lokacin shi Abubakar da sauran mutane sun cigaba da yin sallah a tsaye ne a bayan Annabi (Sallal Laahu Alaihi Wa Alihi Wa Sallam), wanda yake yin sallah a zaune, kuma bai umurce su da su zauna ba. (Al-Bukhaariy: 198; Muslim: 418).
Sannan kuma malamai sun nuna cewa: Idan limamin ya yi sallarsa da nuni (imaa’i ko ishara) a wurin ruku’u ko sujada saboda larura, to su mamu sai dai su cika su daidai, ba za su yi nuni irin na limamin ba. (Tamaamul Minnah: 1/340).
Allaah ya ƙara mana fahimta a cikin addininmu.
Wal Laahu A’lam.
26/5/2019
3: 34pm.
*Sheikh Muhammad Abdullah Assalafiy*
08164363661
Comments
Post a Comment